我有一種關係感情叫黃穎賢《孖必@13》

我有一種關係感情叫黃穎賢《孖必@13》
我有一種關係感情叫黃穎賢《孖必@13》

女班長與我在一非牟利慈善機構做義工,唔經唔覺做咗唔記得幾多年,主要係將ibank上學到的知識同技術回饋番俾社會;其中嘅技能包括印刷刊物設計、排版、出版、印務、物流安排、平面宣傳品創作及設計等等…與女班長屬多年合作伙伴,行孖必。

過去多年,大家只係認識佢果啲平時待人處事嘅偏面態度,隱藏「真性情」,佢果啲鮮為人知嘅一面,今日我就要盡訴心中情。

實情係同佢做工作搭檔,有時都幾扯火!

以同行時空間嘅工作時間尺為例,女班長同我講嘅「好快就有」、「唔急」、「大把時間做」嘅意思;真係可以開齣荷里活超級大片「星際啟示錄」嘅續集做劇情黎解釋;開新題講巨大黑洞質量引力而影响時間快慢值嘅相對論。

簡單啲黎講,女班長唔係用「格林威治時間」,而係用宇宙另一個星球嘅時間同我計。

我們有出版刊物,徵稿收稿整理分類校對後進入排版狀態審批後再夾印務中心及物流;日月如梭分秘必爭。

我個人一就一、二就二;得就得唔得就唔得!要夾各單位工作時間嘛!

各環節與程序緊密相扣。

有時將整份排版拆出黎佢做前半稿我做後半稿大家夾時間合體,我做好後等佢果PART併后出初稿;佢話「好快就有」;結果要等到deadline先至收到佢個稿件…

有時份刊物我要幫手做插圖,通常要用兩日嘅時間先做好,佢可以係Deadline前SEND 黎叫我幫手,話「唔急」,你自己就住時間做就OK…

女班長成日都話「大把時間做」,佢去到Deadline,都仲係咁樣講…

其實要預番D Buffer 位俾自己,預番D技術或者電腦事故意外,例如正常將個FILE 轉PDF,正正常常就梗係正常啦,但女班長同我,各自都試過轉個PDF要成十幾分鐘,錯咗再轉過要花多十幾分鐘,做兩次轉眼無咗半個鐘啦!有時啲EMAIL 又唔聽話,FILE 太大我地SEND 唔出去,又或收件方個EMAIL 爆咗 REJECT 唔收件;果時SEND EMAIL 有好多容量限制,咪以為下下就話GMAIL 無限制好方便;科技嘅創新係因為之前改善有唔方便嘅地方而進步,我經歷過三年零八個月與女班長合作嘅碰釘黑暗日子…

做起野上黎實在有太多要溝通嘅空間,而或多或少對「時間」、「工作程序」、「模式」等會有意見與分岐;其實都係議事論事;但人就係會有情緒同埋脾氣。

而女班長嘅脾氣,就真係…

唔夠講道理,三句講唔埋,CUT人電話線…
唔夠講道理,用急速連接一輪嘴式講話術令你無位入無得講野…
唔夠講道理,用絕招情感式主題分散注意術,出動水汪汪紅淚眼…

然後在人地面前,講到好似我蝦佢!


下集預告:《浸@14》

發表迴響

你的電子郵件位址並不會被公開。 必要欄位標記為 *