我有一種關係感情叫黃穎賢《靚聲王@15》

我有一種關係感情叫黃穎賢《靚聲王@15》
我有一種關係感情叫黃穎賢《靚聲王@15》

美好事情好多時在身邊最近距離但又最容易忽略!
在一齣作品上尋找合適少女做女主角,但在尋找旁白上卻頭頭碰釘;
有靚聲同時又懂感性演繹架控聲線可做旁白的朋友少至又少;
一句講晒,好難搵!

Partner建議找「女班長」試用佢做旁白。
吓!平時聽到佢用高八度的聲線同我講野;同埋借D意就寸我話我,佢把聲好煩喎?
用佢把聲做VO,咁得意?!同埋咁冒險?!

因我對音樂、節奏及音域都無咩研究同天份;
所以聽Partner建議就膽粗粗試下搵「女班長」。

查實呢…無咩點聽過佢唱歌,亦無留意佢把聲,同埋旁白話晒都算係幕前,因全人類都有機會聽到佢把聲,又真係估佢唔到有興趣試玩!

因缺乏旁白導引經驗,俾女班長打自由位兼遙距無框架任由發揮。
就係咁,佢自動波EMAIL段錄好的VO 給我們;

結果Partner話佢把聲幾好,演繹得好又自然!
當真?果然?!竟然有啲咁嘅事?

女班長首部替我們聲音導航嘅處女作面世。
叫《17½》。

得出黎嘅賽果好好彩,獲得五個獎項及一個最佳男主角提名及全場總冠軍!
現場聽到宣佈獲獎一刻,激動得流下幾粒馬尿!

《17½》獲五項大獎
《17½》獲五項大獎

翌年再搵女班長聲音導航參賽,拍《17½》下集,再橫掃五個獎項!都幾威水!

17½下集-自拍神棍 公開組亞軍
17½下集-自拍神棍 公開組亞軍

今年2017年,《17½》玩到第三集終極篇,搵咗個人靚聲甜嘅女主角,佢係電視及廣告級演員,但我仍指定搵女班長聲演旁白,結果再橫掃視效、最佳女主角、最佳編劇、最佳導演及全場總亞軍共五個獎項!

《私密空間》獲五項獎項
《17½》III《私密空間》獲五項獎項

女班長果然係超棒棒撻嘅聲音導航靚聲王兼福將!

而《17½》系列,亦成為自已創作路上,一個極之重要嘅里程碑!


下集《爆料》!

發表迴響

你的電子郵件位址並不會被公開。 必要欄位標記為 *