我有一種關係感情叫黃穎賢《大結局上集@18》

我有一種關係感情叫黃穎賢《大結局上集@18》
我有一種關係感情叫黃穎賢《大結局上集@18》

我係一隻痴餐怪!好鍾意去唔同人屋企痴餐,似住過門都係客當然係唔洗煮又唔洗執枱啦!

除咗我主動上門搵餐痴外,有時都會被邀請上門食飯,其中上得最多嘅係女班長屋企。

過去咁多年係女班長屋企痴餐,都唔記得痴咗幾多餐!

佢老爸係退休校長,人稱「黃校長/ 黃SIR」,食食下飯,佢老人家會問下點解佢個囡部電腦成日壞而需要我凌晨三更半夜入佢個囡房做IT深宵維修員…

有啲野好難講出口,唔通好真誠咁答佢…話….你個囡部電腦嘅Speaker 無聲係因為你個囡無插電…之嘛….

除咗每次都會更新下我同辣妹有幾咁恩愛以証明我唔係上黎攪攪震無幫襯外,見得黃SIR多,或多或少都會傾下政治同經濟。

做ibank咁耐,點都接觸多咗金融市場運作同行業經濟及咩叫九流吹水分析員上身,睇得多點都略知一二,黃SIR退休,有時間,就梗係會買下股票仔玩下咁。

我有一種關係感情叫黃穎賢《大結局上集@18》
我有一種關係感情叫黃穎賢《大結局上集@18》

識落咁耐,傾傾下就會越傾越多野,新春過年都會上去拜年開心下。

上集提及女班長拍拖,佢都唔同我講,除咗真係黎晒譜外,我嘅思緒亦變得異常壓抑,簡直係「女子上心下心」嘅境界,即係「好忐忑」丫,即係好簡單嘅野併埋咗其實係變得好複雜。

因為,我真係好驚佢會由「安哥女友」,變成「我太太哥哥嘅太太」

咁…咁…咁…咪好複雜囉?!

好難接受同埋佢無理過我感受同埋係根本無人會理我嘅感受…

佢地拍拖期間,佢地行前面,辣妹與我在後面睇住佢地,辣妹會自自然然笑得好開心,因為佢亞哥有個女友,而我都好開心安哥有個女友。

分開再睇番女班長,我都會替女班長好開心,識佢咁耐,搵到個鍚佢嘅男朋友。

但係,安哥嘅女友係女班長,以獨立個別事件睇,呢件事係一個好大身份衝擊嘅議題;我平時同女班長傾計,真係唔洗同佢客氣;但係將來、如果、假如、可能、萬一 …佢地XXX,咁我點算?!

咁,以後仲同唔同佢傾計好呢?

發表迴響

你的電子郵件位址並不會被公開。 必要欄位標記為 *