以#ptgf 作研究題材，2017年10月已構思故事大綱兼分析搜集資料可能性，前期採摘資料遇上重重困難，包括無從入手找個案無人可提供例子搵唔到人分享，無料但想講個主題係今次新玩法…
當專心研究此社會題材，我搵到段真實 #ptgf 語錄：
//
心理治療是一種獨特的人際關係，另一角度，短暫式男女關係來處理心理問題、減輕主觀痛苦經驗、促進心理健康、提升個人成長 ＝工作一部份；
透過共享晚餐時間，建立關係、對話、溝通、深度自我探索，聆聴客人／對方生活中的各種壓力與問題。
聆聽客人興趣和成就，用一頓晚飯的關係與時間，去填補他們日常寂寞與空虛。
//
段 #ptgf 節錄，讓我反思：
「出租比買賣好？販賣時間，又是否一盤生意？」
「有人話「只要冇做過啲咩…」亦算係正當職業…」
「今日可以出租飯局時間，他日，又可以再出租咩呢？」
「用自己的陪伴時間，撫慰別人被掏空的心靈。開解客人＝可以賺錢 ＝一盤生意？！」
「有些工種看似易搵錢，但非大眾接受原因，爭議空間係邊！？」
好想好想好好講下，點解D 亞妹亞囡可以咁樣諗野？！
有人花盡心機氣力誘惑人入去；
有人用盡方法也難以走出…一條不歸路…
由籌備創作構思到演員招募再面試，其實不太順利；
我同自己講：「唔緊要，有時間…」
向公司老板邀約飯局面談傾借人借場；
人家老板話我份劇本角色因要維護演員形象需再度身訂造改為「被動式」；
我同自己講：「唔緊要，要人，就要遷就改內容…」
劇本審批完成好不容易演員與場地才夾到「一日檔期」可以做拍製；
我同自己講：「唔緊要，又係「最大公因數」及「最小公倍數」與互質的關係…我理解嘅….」
成日都麻醉自己將所有事情合理化：
拍片，無製片會覺得夠錢…
拍片，我同自己講：「幾時都係，在有限資源做最好嘅創作」
目標只有一個，就係透過聲畫，
講好一個故事，講一個有用內容嘅訊息
透過比賽平台，可以接觸更多同行者，
接觸更多學生、大專生，
他們可以是製片編劇導演演員機燈組，
我相信可以借用主辦單位大會的資源，
可以讓作品傳到更遠。
131份作品，600人參賽；
入圍競爭依然激烈…
我與主辦老頂傾過計
各組競賽作品質素一年比一年進步
我開心見到有更多年青人參加這項創作比賽
讓他們去思想主題然後解說，
透過年青人演說法，說一個比主辦單位更貼地的故事
然後，讓訊息，透過聲畫，傳播開去。
作品拍到第四集，《17½》外傳；
今年在這個平台，獲得三項入圍獎項提名；
最後獲得一項「最佳女主角」獎項
在過去多年參加此比賽來說，屬獎項成績最不理想的一届，
但我覺得是收獲最大的一届，
這世界因有這作品的存在，
而創造出來的延伸，
讓我見到她本質的價值。
2015年的《17½下集 － 自拍神棍》
改變了我自己；
2018年的《17½》外傳
造就了她；
「拍片，勿忘初衷」！
延伸閱讀
【官網有片睇】▷ https://healthyvideo.m21.hk/2018/result2018.php?type=Actress