近日余文樂宣佈結婚封盤，每個女生都幻想過與理想戀愛伴侶結婚了新娘不是我的味兒；傷及萬千少女嘅感受，我完全明白丫！
果位好靚同埋好甜嘅辣妹同佢相處咗段十二年嘅考察期，確認「真・嗒糖」後宣佈我要結婚鳥。
其實都有聽過相似嘅心聲，不敍。
自小我就構思設計最期待的求婚畫面，包括各歌星夢眛以求嘅紅館，我諗過包起個日場、後來好似同唔知邊個演唱會撞期所以改另一細場，伊館我都有考慮過，退而求其次大會堂演奏廳高山劇場粗粗地文娛廳都最起碼有諗過！
當時《他約我去迪士尼》都係一個新興大熱，用咗好多食芝士嘅時間先約到米奇老鼠同佢女友米妮個期，本身諗住花車巡遊式嘅場面後來因辣妹扭計，大半場工作人員臨時執生改晒D高飛狗唐老鴨同佢條鴨囡嘅行程，係唔跟劇本情況下互補位執生變成我們獨特又甩又嬲最後喊爆嘅求婚場面…
就係咁，開始籌備婚禮。
講開又講，其實求婚，願意咗，先至籌備婚禮，包括搵酒席同埋影Pre-wedding 婚紗相同埋安排蜜月旅行；但宜家啲人嘅次序真係好奇怪，影咗婚紗相同埋訂酒席，先至去求婚再行禮簽婚書…
情況好似影咗畢業相後，先至溫書去考畢業試…
而最普遍係拍拖時先渡蜜月，之後再考慮結唔結婚…如果願意結，咁就再訂酒席後先求婚…
籌備婚禮與辣妹嗌過幾次交鬧到喊，其中嘅鬧交議題有：姊妹裙嘅長短究竟要長到落菠蘿蓋定要去到腳眼！另外花球嘅顏色係成為我地在街上激鬥嗌到喊嘅主題…
我地真係好需要一個好姊妹平衡一下夾做三文治嘅中間做下磨心…
女班長嘅柔情似水善解人意淋得黎有時唔太惡中肯得黎又會幫番女仔嘅角度同時佢又知我太多野同脾氣；「女班長」係不二之選嘅好幫手！
結果女班長就做咗辣妹嘅伴娘！到宜家我都覺得佢好稱職！
下集預告：《孖必＠13》