美好事情好多時在身邊最近距離但又最容易忽略！
在一齣作品上尋找合適少女做女主角，但在尋找旁白上卻頭頭碰釘；
有靚聲同時又懂感性演繹架控聲線可做旁白的朋友少至又少；
一句講晒，好難搵！
Partner建議找「女班長」試用佢做旁白。
吓！平時聽到佢用高八度的聲線同我講野；同埋借Ｄ意就寸我話我，佢把聲好煩喎？
用佢把聲做VO，咁得意？！同埋咁冒險？！
因我對音樂、節奏及音域都無咩研究同天份；
所以聽Partner建議就膽粗粗試下搵「女班長」。
查實呢…無咩點聽過佢唱歌，亦無留意佢把聲，同埋旁白話晒都算係幕前，因全人類都有機會聽到佢把聲，又真係估佢唔到有興趣試玩！
因缺乏旁白導引經驗，俾女班長打自由位兼遙距無框架任由發揮。
就係咁，佢自動波EMAIL段錄好的VO 給我們；
結果Partner話佢把聲幾好，演繹得好又自然！
當真？果然？！竟然有啲咁嘅事？
女班長首部替我們聲音導航嘅處女作面世。
叫《17½》。
得出黎嘅賽果好好彩，獲得五個獎項及一個最佳男主角提名及全場總冠軍！
現場聽到宣佈獲獎一刻，激動得流下幾粒馬尿！
翌年再搵女班長聲音導航參賽，拍《17½》下集，再橫掃五個獎項！都幾威水！
今年2017年，《17½》玩到第三集終極篇，搵咗個人靚聲甜嘅女主角，佢係電視及廣告級演員，但我仍指定搵女班長聲演旁白，結果再橫掃視效、最佳女主角、最佳編劇、最佳導演及全場總亞軍共五個獎項！
女班長果然係超棒棒撻嘅聲音導航靚聲王兼福將！
而《17½》系列，亦成為自已創作路上，一個極之重要嘅里程碑！
下集《爆料》！