上學期成績出爐，慧玲與羨恩，兩位精英同學成績名列前矛，「穎賢」排第三！
我咁大個仔，都未試過考第四，簡直光宗耀祖！
記得讀幼稚園時爺爺講過考試成績頭三名有獎學金，我真係差少少就可以拿這筆外國留學費用！
自此，考試成績頭十名同學，小息LUNCH TIME 開始自然走在一起聊。
一齊讀書研究課題課餘一齊玩，有時放假，會約出來遊玩行街睇戲行沙灘。
初時識「穎賢」以為佢扮怕羞，識落先知真係勁怕羞…
上堂亞SIR叫佢講句野，紅都臉晒！平時無咩事最好就係「見我唔到」嘅存在感。
我懷疑佢搭小巴，從來無大聲嗌過落車！
佢嘅無限 loop撓頭髮上耳背嘅小動作，簡直係一個 icon。
上課亞SIR 有時叫同學出來做presentation，我坐在位上見佢講一分鐘野，可以撓 30幾40下頭髮，點解佢要咁做呢？！真係睇見都憫！
好心買個亞婆用嘅黑色髮夾啦！
轉眼到下學期成績出爐，我終於有身份可以攞亞爺嘅獎學金，考「第三」，真係威水都爆炸，地理科仲攞100分，可以在禮堂於全校同學面前，攞學校特設的獎學金，（編按：每年級，每科最高分，特設此獎項）
「穎賢」考第四，聽聞佢好唔開心，仲喊起上黎！
印象中無咩安慰說話可以俾到佢，我就真係唔在意，都唔知喊乜！
只不過，後來好似聽聞佢係課室暈咗…
下集預告：《暗戀女班長@4》