如果被標題黨嘅日常手法捉入局，只怪閣下實在太年輕，戀之放題主角唔係我！
女班長有幾項主題唔講得，一講與自殺無別，死十次都唔掂！
其中一樣係愛情觀。
事源有男同學公開暗戀女班長而展開追求攻勢，唔知係新手方法太兒戲或是表達方式太露骨，竟然嚇壞女班長，直到宜家我仍無法計算其心裡陰影面積。
當中過程實在太耐人尋味而又封殺消息流傳，真係出一個殺一個！
總之同Harry Potter 嘅佛地魔一樣，唔講得個名唔講得件事最好所有關於佢嘅感情事都唔好講唔好提。
其實女班長如果需要男女關係攻防策略，可以請我飲支汽水向我查詢一下。
逃避永遠不會成為闖關升級嘅方法，打機升呢變KOL嘅達哥「一命爆機」都係透過不斷操練而成！
女為花男是草，身邊有蜜蜂蝴蝶盤旋，其實都係「跨啦啦」嘅事。
一個女生化咗妝無人望無人讚零回望率嘅狀態唔似係一個令人效法嘅壯舉。
唔buy收兵大法都唔需要向追求者全力扣殺。
佢最後因為無請我飲過任何汽水作相關查詢，所以即使同佢略熟都從無提供過任何相關顧問服務。
下集預告：《她與女班花同一班@5》