想、寫、做

我有一種關係感情叫黃穎賢《Life of Night Shift@9》

日夜顛倒,返Night Shift 對身體唔好,除此以外,工作氣氛與節奏分別都幾大。

自律要高要頂得住眼睏要好熟整個工序無咩IT SUPPORT。

好似荒島咁要識得自我求生技術識轉木取火解決問題唔好留手尾俾下一更同事。

日間工作量多而急,10個不同嘅1頁JOB,通常急件URGENT全部即刻要,即係你自己諗辦法multi-tasking 在同行時空間做十件事…

差唔多等於王祖藍阮兆祥李思捷福綠壽三合一大結合上身嘅轉數。

夜晚工作量大而時間長,一晚殺兩個100頁嘅presentation 已經唔洗放工;雖然OT公司會津助兩舊水買飯食。

返Night Shift 如OT,即可能會見日出,中環老蘭24小時翠華,其實都有收爐嘅時間,咪以為真係24小時營業,咪咁天真咁傻啦!果段時間只可食老麥,講真$200,實報實銷食得幾多丫?

女班長返工時間比我早幾個鐘,由於佢係工作技術上無我咁勁咁厲害,所以夠鐘做唔晒就會交接;有時我接手有時其他同事接;但有時當事人OT跟晒佢好過交接,公司都會批…

有時佢OT做晒份野已經到我可以放工嘅凌晨子夜;雖然我地可以分開兩架的士返屋企;
但真係唔忍心每人每程花公司$300;雖然公司大把錢,$600咁樣用公司錢真係好浪費;所以我地有時會Share Taxi 就算。

我有一種關係感情叫黃穎賢《Life of NightShift@9》
我有一種關係感情叫黃穎賢《Life of NightShift@9》

千其唔可以講「同車」,佢會勁嬲豬!

公司只係要求所有工作,100%零錯誤,就係咁簡單。

我地通常用兩種色嘅熒光筆做兩次checking; 同時搵同事做 proof reading;或再搵多個做double PR,如果Output仍有錯,全部所有人都有做錯,就係咁簡單。

咁樣proof read 法張markup紙通常好似浸過水…

女班長,佢本身係一個睡眠寶寶,要訓好多個鐘,而全家人放假嘅嗜好,就係訓覺!
放假要用電話搵到佢,係一個隨機彩池;與搭輕鐵無買飛被查票員捉到嘅機會率無異。
深宵要花精神校對,對小心得黎又慢吞吞嘅女班長亦係一個挑戰!

所以女班長OT完,基本上都筋皮力盡,有OT錢都唔會留係公司食埋佢,做完Call Taxi 即閃放棄OT飯錢。

有時候,我地會替公司慳錢行條平啲嘅過海隧道,經灣仔盧押道通宵快餐店,自費買即叫即製嘅公司三文治。

上車食飽,一齊訓到落車。

工作係累,但工作有好伴侶,係開心嘅。


下集預告:《深宵IT維修員@10》