不枉醞釀六年混入女生堆嘅小學生涯，升上中一我終於可以大放異彩！
終於升到做F1仔，我自小夢想嘅中學生活正式啟動！
「中學唔拍拖，點做學生哥？！」咁大嘅道理我小一已經知道！
開學DAY 1 搜尋目標：長頭髮，眼大聲甜樣子美，句號。
我班中兩個，首選1號: 亞佩； 最喜歡2號：欣欣（嘩！頭髮長到落腰丫，前世！）
以我在小學所學懂的讀心攻略，三兩下手勢已經混熟，欣欣做咗我契妹！（係！通常追唔到就會做咗契妹，近似係定律黎架！）
此終，首選是「亞佩」，烏黑發亮嘅長髮，常常被背後的校裙拉鍊夾住，我好細個時亞媽就教我做男人要有風度，所以我常常樂於替她動手拉上拉落處理這些尷尬位。
係！無錯！係無關係嘅！
無所謂啦，藉口呢家野！最重要提升身體接觸機會率！即使增加被打機會，其實都係一種身體接觸嘅溝通嘛！
我份人自細就鍾意大量使用積極嘅想法！
根據嘜氏定理：「女生頭髮嘅長度，對產生女性嘅好奇心直接成正比線性關係！」
周慧敏YES CARD 金閃銀閃，我集唔少！已經可証實這個定理！
極唔鍾意女生短髮，毫無美感可言，我忌鏟青，原因下删一百字。
而話說，是咁的，都唔知咩機制，返學初階段就選班長！
三唔識七九唔搭八，名都唔識叫樣都唔記得，點選班長呀？班主任，你有無理過我地感受呀？
就係咁，全班選咗個我一啲都唔識形容她短髮形態款式嘅女生做咗我地女班長，姓「黃」，叫「穎賢」
下稱女班長。
(待續)